ചില നേരത്ത്.

ശനിയാഴ്‌ച, ഫെബ്രുവരി 18, 2006

 

വിവാഹത്തില്‍

വിവാഹത്തില്‍,

ആശകള്‍ക്ക് അതിര് തീര്‍ക്കുന്നു.


സഹശയനത്തിന്റെ വാഗ്ദാനം നല്‍കി,

ആചാരപൂര്‍വ്വം വഞ്ചിക്കപ്പെടുന്നു.


പുഷ്പവൃഷ്ടി,

സ്വാസ്ഥ്യത്തില്‍ നിന്നുള്ളയാത്രാമൊഴിയായിരുന്നറിയുമ്പോഴേയ്ക്കും,


സഹശയനത്തിന്റെ ബന്ധനങ്ങള്‍,

ഗറ്ഭത്തില്‍ ചിരിക്കാന്‍ തുടങ്ങുന്നു.


ചില നേരത്ത്.. പോസ്റ്റ് ചെയ്തത്  # 1:56 PM
അഭിപ്രായങ്ങള്‍:
എന്തിനാ ഇബ്രൂ ഇങ്ങനെ കലേഷിനെ പേടിപ്പിയ്ക്കണേ? തേനാന്നും പറഞ്ഞ് അവൻ ഒരു വിധം കഷായം കുടിയ്ക്കാൻ സമ്മതിച്ചപ്പോഴാണോ ഇബ്രു ടേ...ഈ കഷായം തേനല്ലാന്ന് പറയണേ...
 
ഖലീൽ ഇബ്രാൻ!
 
പൊട്ടിച്ചെറിയാന്‍ കഴിയാത്ത ബന്ധനങ്ങള്‍ ഇന്നുണ്ടോ ഇബ്രൂ?
 
എന്തിനാ ഇബ്രൂ ഇങ്ങനെ കലേഷിനെ പേടിപ്പിയ്ക്കണേ? തേനാന്നും പറഞ്ഞ് അവൻ ഒരു വിധം കഷായം കുടിയ്ക്കാൻ സമ്മതിച്ചപ്പോഴാണോ ഇബ്രു ടേയ്.... ഇന്ത കഷായം തേനില്ല്യ് ടാ തമ്പീ.. ഒന്നെ ഏമാറ്റി വിടറാ ടാ......
 
അതുല്യേച്ചീ, പണി എനിക്കിട്ടാണല്ലോ... അതും പട്ടാ‍പ്പകൽ ഓപ്പണായിട്ട്!
അല്ല, ഈ ഗല്യാണം എന്നു പറയുന്നത് ഇത്ര വല്യ അപഗടം ആ‍ണോ?
 
വാരിക്കുഴിയിൽ ചില ആനകൾ വീഴുന്നു, ചിലത് വഴി മാറി പോകുന്നു. വീണാലപകടം.. വീണ ആനയേ രക്ക്ഷിക്കുന്നതും വേറെ ഒരു ആന തന്നെ!
 
vande mathiram -:)
 
ഇബ്രു :) നന്നായിരിക്കുന്നു.
 
ഇബ്രു, കുറച്ചു വരികളില്‍ ഒരു പാട് പറഞ്ഞു വെച്ചപോലെ...
 
ഖലീല്‍ ബ്രാന്‍ !!!
അത് കലക്കി കലേഷേ. (നീ പേടിക്കണ്ടാ ട്ടാ, അനുഭവിച്ചവര്‍ക്കല്ലേ അറിയൂ!)
 
അതുല്യ ചേച്ചീ.
സത്യത്തില്‍ കലേഷ് എന്റെ മനസ്സില്‍, ഇതെഴുതുമ്പോഴുണ്ടായിരുന്നു. വിവാഹ ജീവിതം ഇങ്ങിനെയൊക്കെയാണെന്ന് എനിക്കറിയുകയുമില്ല. ഒരു ഊഹം വെച്ചെഴുതിയെന്നെയുള്ളൂ. എന്തൊക്കെയായാലും ‘അക്ഷരതെറ്റുകള്‍ വരുത്താതിതിരുന്നാല്‍ ദാമ്പത്യം മഹാകാവ്യം എന്നല്ലെ കവിവചനം.
കലേഷ് : ഹൃദ്യമായ റൊമാന്റിക് ദിനങ്ങള്‍ ആശംസിക്കുന്നു. ‘ഖലീല്‍ ഇബ്രാന്‍‘ (ഹാ‍ ഹാ) ഞാന്‍ ആസ്വദിച്ചു.
സാക്ഷീ : മറ്റൊരു വേര്‍പ്പെടുത്തലും ഇത്രത്തോളം വേദന നിറഞ്ഞതാകില്ലെന്ന് പലരും എന്നോട് പറഞ്ഞിട്ടുണ്ട്.
ഡ്രിസ്സിലേ: thank you.. made in palakkaD മറന്നിട്ടില്ല അല്ലേ..
സൂ: സന്തോഷം അറിയിക്കുന്നു.
ഇന്ദു : ഇവിടം സന്ദര്‍ശിച്ചതിന് നന്ദി. ഇത് ഞാന്‍ ഒരു പാട് വെട്ടിതിരുത്തലുകള്‍ക്ക് വിധേയമാക്കിയിരുന്നു. ഇനിയും നന്നായില്ല എന്ന് തന്നെയാണ് എന്റെ നിരീക്ഷണം (എനിക്കറിയാം നിര്‍ത്തിക്കൂടെ എന്നാരും പറയില്ലെന്ന്)
സ്വാര്‍ത്ഥാ : തിരുത്തലുകള്‍ക്ക് വിധേയമാക്കിയില്ലെ? നന്ദി.
 
നല്ല പോസ്റ്റിങ്ങ്‌. ഖലീൽ ഇബ്രാൻ!
 
വിശാലാ.. നന്ദി..എന്തൊരു പേരാണിത്? കലേഷിത് കാണുന്നില്ലേ? ലെബനോണിന്റെ സെഡാര്‍ മരങ്ങളുടെയും ഉദയാസ്തമയ ഭംഗിയുടേയും മനോഹാരിത കാവ്യഭാഷയില്‍ അനുവാചക ലോകത്തെത്തിച്ച ജിബ്രാനെ എന്നിലൂടെ കരിവാരിതേക്കുന്നത്? ഒടിഞ്ഞ ചിറകുകളും (broken Wings) പ്രതിഷേധിക്കുന്ന ആത്മാവുകളും(Protesting Souls) എന്നെ നോക്കി പല്ലിളിക്കുന്നു. നാണം മറക്കാന്‍, കലേഷ്, ഒരു മരവുരിയെങ്കിലും തരൂ.
 
ഇബ്രു എഴുതിയത് വായിച്ചപ്പോൽ എനിക്ക് ഖലീൽ ജിബ്രാനെ പെട്ടന്നോർമ്മ വന്നു.

അങ്ങേരും എന്നെയും ഇബ്രുവിനെയുമൊക്കെപ്പോലെ സാധാരണ മനുഷ്യനായിരുന്നെന്നേ! (സെഡാർ മരങ്ങളുള്ള ലെബനോനിൽ ഖലീൽ ജിബ്രാൻ ജനിച്ചുവെങ്കിൽ (തന്നേ?) തേങ്ങാ‍ മരങ്ങളുള്ള കേരളത്തിൽ “ഖലീൽ ഇബ്രാൻ ജനിച്ചു എന്നൊക്കെ ഭാവിയിൽ ആരേലും എഴുതില്ലെന്നാരു കണ്ടു?
 
കലേഷേ.. ഖലീല്‍ ജിബ്രാന്‍ 20 വര്‍ഷം അക്ഷരങ്ങള്‍ കൊണ്ട്‌ പ്രണയിച്ച ഒരു മേസിയാദ ഉണ്ടായിരുന്നു. ഇവിടെ ഖലീല്‍ ഇബ്രാന്‍ പ്രണയിക്കുന്ന വല്ല കേസിയാദയും ഉണ്ടോ ആവോ...
 
പറയാനറിയുന്നവര്‍ എന്തിനു കൂടുതല്‍ പറയണം..
മനോഹരം ഇബ്രുവേ..

“ഖലീല്‍ ഇബ്രാന്‍”..ആ പേരു ചേരും.
 
ഡ്രിസിലേ, ഈ തീഷ്ണതയൊക്കെ കണ്ടിട്ട് സത്യമായും എനിക്ക് സംശയമുണ്ട്!
ഇബ്രാനോട് തന്നെ ചോദിക്കു...
 
“ഖലീല്‍ ഇബ്രാന്‍”..…ആവിഷ്കാരം.മനോഹരമായിരിക്കുന്നു….

ആശയത്തെക്കുറിച്ച് രണ്ട് വാക്ക്...

അവിവാഹിതന്റെയും വിവാഹിതന്റേയും ലോകം രണ്ടാണ്…

അവിവാഹിതൻ, ഭാവനയുടെ ചിറകിലിരുന്നു…കാല്പനികതയുടേയും, പ്രണയത്തിന്റേയും മധുമൊഴികളിൽ തലപൂഴ്‌ത്തുമ്പോൾ….

വിവാ‍ഹിതൻ യാഥാർത്ഥ്യത്തിന്റെ പരുത്ത നിലത്തിരുന്ന്, ജീവിതത്തിന്റെ പ്രായോഗികതകളെ ആശങ്കയോടെ ഉറ്റ് നോക്കുന്നവനാണ്…..

ഇവരിൽ സഹശയനത്തിന്റെ വാഗ്ദാനം ലംഘിക്കാത്തവരും…
പുഷ്പവൃഷ്ടി, അസ്വാസ്ഥ്യത്തില്‍ നിന്നുള്ളയാത്രാമൊഴിയായി അനുഭവപ്പെടുന്നവരും,
സഹശയനത്തിന്റെ ബന്ധനങ്ങളിലും, ഗറ്ഭത്തില്‍ മുളക്കുന്ന ചിരികളിലും പുളകം കൊള്ളുന്നവരും ഉണ്ട്…
 
ആരും വഞ്ചിക്കപ്പെടുന്നില്ല.സ്വാതന്ത്ര്യത്തിനും ആശകള്‍ക്കും വേലികെട്ടാന്‍ വരുന്നവരെ പടിക്ക്‌ പുറത്തു നിര്‍ത്തുക,ഇല്ലെങ്കില്‍ പുതിയൊരു വഴിതെളിച്ച്‌ ഇറങ്ങി നടക്കുക,സഹശയനത്തിലെ ബന്ധനത്തില്‍ പൊട്ടിമുളച്ചത്‌ കൂട്ടിനുണ്ടെങ്കില്‍ ഒപ്പം നടത്തിക്കോളു, തനിച്ചാവില്ല ഒരിക്കലും
 
തുളസീ, മസാല ദോശ വാങ്ങി തിന്ന് കൈ കഴുകി എണീറ്റ്‌ പോരുന്ന പോലെ അത്ര എളുപ്പമുള്ള കാര്യമല്ലാട്ടോ.
 
ആശകളെന്നും ആശകളാണെന്നിരിക്കെ, അതിരുകള്‍ ഒരു മരീചിക പോലെ.
അതിരുകളെയാണോ തേടിയിരുന്നത്.
ഓരോരോ കാരണളേ!
 
അതുല്യേച്ചീ,

"zindagi jeene ki do tharike hotha hey.ek, jo ho rahahey use honetho,bardarsh karthe jao.Duusra zamindari utao use badalne ki koshish karo"

എളുപ്പമല്ലെന്നറിയാം.പ്രത്യേകിച്ച്‌ അടിമത്വത്തെ കൂടി മനസാ വരിച്ചവര്‍ക്ക്‌. പക്ഷെ അതൊരു സാധ്യതയാണ്‌, വായടക്കി,ആശയടക്കി,പതിവൃതയുടെ മഹത്വം പാടി ജീവിക്കാന്‍ വിധിക്കപെടുന്നവര്‍ക്ക്‌.
 
ഒരു കാര്യം പറയാന്‍ വിട്ടു.. ഈ വിവാഹവും സഹശയനവും തമ്മില്‍ ഒരു ബന്ധവുമില്ലെന്നേ!
 
ഡ്രിസ്സിലേ, കലേഷേ, :)

അരവിന്ദേ..നിര്‍ത്തിക്കാനാണോ പരിപാടി അതോ എന്തിനാടാ ഇങ്ങിനെ വാരിവലിച്ച് എഴുതുന്നത് എന്നോ :)

സൂഫീ..ആ ആനന്ദാതിരേകത്തെ കുറിച്ചൊന്നും പറയാനില്ല. പക്ഷേ താളം തെറ്റുന്ന ബന്ധങ്ങളെ കുറിച്ചേറെ പറയാനുമുണ്ട്. അറിയാല്ലോ മൂന്നും ചൊല്ലിയാല്‍ പിന്നെ കൂട്ടിയിണക്കലിന്റെ ബുദ്ധിമുട്ടുകള്‍.ഇതൊക്കെ കൊണ്ടാവാണം അനുവദിച്ചതില്‍ ഏറ്റവും വെറുക്കപ്പെട്ടത് വിവാഹം വേര്‍പ്പെടുത്തലാണെന്ന് പ്രവാചകന്‍ പറഞ്ഞത്.

തുളസീ..ഹിറ്റ്ലര്‍ ഭരണകാലത്ത്, സുന്ദരന്മാരായ ജര്‍മ്മന്‍ യുവതീയുവാക്കളെ കൂട്ടിയിണക്കി കുറെ കുട്ടികളെ സൃഷ്ടിച്ച് മാതാപിതാക്കളില്‍ നിന്ന് വേര്‍പ്പെടുത്തി ഗവര്‍മെന്റ് ചിലവില്‍ വളര്‍ത്തിയത്രെ, അവരെ കണ്ട ഏതോ ഒരാള്‍ പറഞ്ഞു. സംരക്ഷണത്തിന്റെ കാലം കഴിഞ്ഞാല്‍ അവരെത്ര ക്രൂരന്മാരാകുമെന്ന് പ്രവചിക്കാന്‍ പോലുമാകില്ലെന്ന്. സമൂഹത്തിന്റെ അടിത്തറ ഇളകുന്നതിനോട് ആര്‍ക്കും യോജിപ്പുണ്ടാകുമെന്ന് തോന്നുന്നില്ല. (അതുകൊണ്ടായിരിക്കണം അബോര്‍ഷന്‍ ക്ലിനിക്കുകള്‍ ധാരാളം ഉണ്ടാകുന്നത്).

അതുല്യചേച്ചീ..കൈ കഴുകി എത്രപേര്‍ പിന്‌വിളി കേള്‍ക്കാതെ പോകുന്നു.

നളാ..പാറിനടക്കും പക്ഷികളൊന്നും വേളികഴിക്കാറില്ലേ?..
 
നളന്റെ കമന്റിലും വസ്തുതകളില്ലേ ..?
 
എന്റെ ബ്ലോഗിലെ പോസ്റ്റിനു വളരെയധികം നന്ദി. അതുവഴി, സീരിയസ്സും ചിലപ്പോഴൊക്കെ രസകരവും ആയ നിങ്ങളുടെയൊക്കെ ബ്ലോഗുകള്‍ വായിക്കാനും കഴിഞ്ഞു. മലയാളത്തില്‍ ഇത്രയും വലിയൊരു ബ്ലോഗുലോകം ഉണ്ടെന്ന് ഇപ്പോഴാണറിഞ്ഞത്‌. എഴുതാനൊന്നും അറിയില്ലെങ്കിലും മനസ്സില്‍ തോന്നുന്നത്‌ അതേ പോലെ മലയാളത്തില്‍ എഴുതുമ്പോഴുണ്ടാവുന്ന സംതൃപ്തി കാരണമാണ്‌ ഞാനീ നേരമ്പോക്ക്‌ തുടങ്ങിയത്‌. നിങ്ങളുടെയൊക്കെ പിന്തുണ ആവേശം നല്‍കുന്നു.
 
"ഗലീല്‍ ജിബ്രാന്റെ ജീവിത യാത്രയ്ക്ക്‌ പിന്നില്‍ മേരി ഹാസ്കല്‍ എന്ന സ്ത്രീയുണ്ടായിരുന്നു

അവിവാഹിതയുടെ അരക്ഷിതത്വത്തില്‍ നിന്നും അവര്‍ വിവാഹിതയുടെ സുരക്ഷിതത്വത്തിലേയ്ക്ക്‌ പോയി. അതിന്‍ ശേഷമാണ്‍ ജിബ്രാന്‍ ഏകാകിയായതും മരണത്തോടടുത്തതും

വിവാഹം അതൊരു സുഖമുള്ള ഏര്‍പ്പാട്‌ തന്നെ, സംശയം വേണ്ട.....

ഇബ്രുവിനെ കുറിച്ച്‌ എനിക്കൊന്നും അറിയില്ല, പക്ഷെ ഇബ്രു പറയുന്നതിനെകുറിച്ച്‌ നന്നായ്‌ അറിയുന്നു. ഏതായാലും ഇബ്രുവിന്‍ കലേഷ്‌ നല്‍കിയ പേര്‍ നന്നായി ചേരുന്നു"
 
ഒരു അഭിപ്രായം പോസ്റ്റ് ചെയ്യൂ

ഇതിനായി സബ്‌സ്ക്രൈബ് ചെയ്ത പോസ്റ്റിന്റെ അഭിപ്രായങ്ങള്‍ [Atom]





<< ഹോം

ആര്‍ക്കൈവുകള്‍

June 2005   July 2005   August 2005   September 2005   November 2005   December 2005   January 2006   February 2006   March 2006   April 2006   June 2006   July 2006   September 2006   October 2006   November 2006   February 2007   April 2007   April 2008   November 2008   January 2009   April 2009   May 2009   June 2009   October 2009   December 2010   May 2013   June 2013  

This page is powered by Blogger. Isn't yours?

ഇതിനായി സബ്‌സ്ക്രൈബ് ചെയ്ത പോസ്റ്റുകള്‍ [Atom]